أنا أول المسلمين

سألت نفسي سؤال احنا عايشين ليه فى هذه الدنيا وايه دورنا فى الحياة

بنتولد ونموت ونفرح ونحزن واحنا مش فاهمين ولا حاسين بأي حاجه وعشان اعرف دوري فى الحياة لازم الأول اعرف

أنا مين

أولا أنا انسان يبقى دوري دور فى الاصلاح

" واذ قال ربك للملائكة اني جاعل فى الارض خليفة "

تخيلوا ان أنا خليفة الله فى الارض يعنى مطلوب مني اصلاح فى الارض وتعمير هذه الحياة التي استخلفنى الله فيها

ولكن أنا مش انسان عادي أنا انسان مسلم يعنى ليا دور آخر او بمعنى أصح دور تكميلي هو

الدعوة الي الله سبحانه وتعالى

" كنتم خير أمة أخرجت للناس تأمرون بالمعروف وتنهون عن المنكر وتؤمنون بالله"

ياااه !!!! احنا خير أمة

معقولة

بكل هذه السلبيات خير أمة!!!

بكل هذا الضعف خير أمة !!!

بكل هذا التفكك خير أمة !!!

طبعا خير أمة

بس لما نطيع ربنا

بس لما نقيم شعائر الله فى الأرض

لما نتبع سنة نبيه عليه الصلاة والسلام

وصدق رسول الله " انما بعثت لأتمم مكارم الاخلاق"

اذا هي الدعوه هي رمانة الميزان هي أساس حياة كل مسلم

" ومن أحسن قولا ممن دعى الى الله وعمل صالحا وقال انني من المسلمين"

ســــــــــــــــــــــــــــــؤال

هل الدعوة فرض كفاية أم فرض عين ؟؟

بالطبع الدعوة فرض عين على كل مسلم

بالقول أو العمل او كلاهما معاََ

وأسأل نفسي سؤال

هل تقصد ان كل واحد مننا يشتغل داعية اسلامي؟؟

بالطبع لا

لأن أصلا الدعوة مش وظيفة

الأنبياء أصلا مكنوش بيشتغلوا أنبياء

كان فيه نبي نجار أو نبي حداد أو تاجر أو راعي غنم أو حتى ملك هو كده شغلته ملك

اذا كل واحد مننا لازم يكون عنده نيه خالصة لله سبحانه وتعالى أنه يخدم مجتمعه الاسلامي وسامحوني

المجتمع ده طلع عربي او مش عربي فرعوني او لا

مهياش دي القضيه

القضيه اننا كلنا بننتمى لمجتمع اسلامي كبير بغض النظر عن الحدود والجنسيات واللون والعصبيات

يعني امريكي مؤمن عندي احسن من عربي مش مؤمن

ويا جماعة العولمة دي مش حاجه غريبه عن الاسلام

الاسلام هو أول من نادى بها بس بقواعد وأخلاق

طولت عليكوا

اللي انا عاوز اقوله ان كل واحد مننا لازم يجتهد فى عمله العامل فى مصنعه والمهندس فى موقعه والطبيب فى عيادته والجندي فى الميدان

كل واحد لازم يكون مسلم كما يجب ان يكون قدوته الرسول عليه الصلاة والسلام والصحابة

وماشي على خطى الحبيب وعلى سنته

لو عملنا كده هنرضي ربنا ورسوله ونعرف نجاوب على السؤال ما هو دورنا فى الحياة؟؟

" قل ان صلاتي ونسكي ومحياي ومماتي لله رب العالمين لاشريك له وبذلك أمرت وأنا أول المسلمين "