الثلاثاء، 19 أغسطس 2008

رمضان جانا يالا نبطل شغل



رمضان جانا يالا نبطل شغل
كل عام وانتم بخير رمضان على الابواب والناس بدات تستعد لرمضان
واستعداد الناس لرمضان يختلف باختلاف ثقافتهم الدينية
ودى كلمة غريبة شوية على مجتمعنا العربى والثقافة الدينية او بمعنى اخف شوية المعلوم من الدين بالضرورة او مالا يجهل عنه
المهم
ناس بتستعد انها تروح سوبر ماركت كبير زى زهران او كارفوروتجيب كل حاجات الشهر من أكل وشرب وحاجات تانية كتير
وناس بدات تركب وصلات دش أو يشترى ريسيفر علشان يدخل كل القنوات ومايفوتش اى مسلسل او برنامج
وناس تبدا تفكر فى الولائم والعزايم وتبدا تحدد تواريخ للعزومات
وبرغم ان كل اللى فات دة مش من الدين فى شئ وان كل دى مظاهر بذخ وترف عكس الفكرة( فكرة رمضان )
ان الناس كلها تحس بالفقير والمسكين وتحاول تقرب شوية من الجوع والعطش والتعب
وحاجة تانية ان الناس تجبر نفسها على الطاعة لغاية ماتبقى عادة وطبعا سواء الأولى والثانية ماينفعش معاها البذخ فى المال والاكل والاسراف فى مشاهدة المسلسلات والفوازير وما إلى لك ناهيك عن الذهاب إلى الخيمة الرمضانية
(استرها علينا يارب) بس مش كل دة اللى انا بتكلم عنه اللى عاوز اتكلم عنه هو نوعية تانية من البشر تقولك رمضان حه يالا نبطل شغل ونعبد ربنا
مثلا موظف بدل ما يخلص مصالح الناس يقعد يقرا فى المصحف ويسيب مصالح الناس
وواحد تانى يسيب الشغل قبل المعاد بساعة ويسيب الناس بحجة انه يروح يصلى ويقرا قران
والتالت مش عايز يكلم او يسمع حد اصله صايم
عاوز اقول لكل دول ان اللى بتعملوه حرام
اذا تركت مصالح الناس وقعدت تقرا القران فلن يرضى عنك الله ولا رسوله
عن ابى هريرة رضى الله عنه ان رسول الله صلى الله عليه وسلم قال (ان تمشى فى حاجة اخيك خير لك من عبادة مائة عام)
وان العمل عبادة
وان من فرج عن مؤمن كربة من كرب الدنيا فرج الله عنه كربة من كرب يوم القيامة وان الله اوصانا بالعمل واوصانا ايضا بالاتقان فى العمل( وقل اعملوا فسيرى الله عملكم ورسوله والمؤمنون ).
وقال رسول الله صلى الله عليه وسلم(ان الله يحب اذا عمل احدكم عملا ان يتقنه).
وان صحابى كانت يداه خشنتان من كثرة الفلاحة فاستحى ان يسلم على رسول الله فسلم عليه المصطفى وقبله وقال هذه يد يحبها الله ورسوله
وكان صلى الله عليه وسلم يمر برجل يعبد الله ليلا ونهارا فى المسجد فسال من يرعى هذا الرجل فقال أصحابه أخوه قال اخوه خير منه
فليكن شعارنا في رمضان أن نضاعف العمل من اجل ان يرضى الله عنا ورسوله أرجوكم لا تعطلوا مصالح الناس بحجة اننا فى شهر الصيام فليكن شهر رمضان هو شهر العمل من اجل ان يرضى عنا الله ورسوله

قال تعالى
(قل ان صلاتى ونسكى ومحياى ومماتى لله رب العالمين لا شريك له وبذلك امرت وانا اول المسلمين)

هناك 18 تعليقًا:

Maha Shahen يقول...

السلام عليكم ورحمة الله وبركاته
اكرمك الله وبارك فيك علي البوست الهايل دا وجعله في ميزان حسناتك يا رب
ولكن رمضان مش اننا نبطل شغل ابدا ولا اننا ننشغل بشغلنا عن طاعة الله كل شيء ومعلوم وقته منغير تكاسل
وعامة كل واحد بيحاول يعمل حاجات مخالفه ويقول دا علشان رمضان عارف ان ربنا مطلع علي قلبه وعارف نيته
ربنا يهدىنا جميعا يا رب
كل سنه وحضرتك طيب
ورمضان كريم والله اكرم
رمضان ليه فرحه بتنور القلب ويا رب يمر علينا الشهر دا وكل ذنوبنا مغفوره ونكون أقرب لله

صاحبة هدف يقول...

قال تعالى
(قل ان صلاتى ونسكى ومحياى ومماتى لله رب العالمين لا شريك له وبذلك امرت وانا اول المسلمين)

جزاكم الله خيرا كثيرا

وهذه دعوة لإستغلال رمضان استغلالا حسنا ولنكن(ربانيين لا رمضانيين)
ويا حبذا لو وضعنا شعارانا لهذا الشهر(صـــم صـــوم مــــودع)

أكون أو لا أكون يقول...

السلام عليكم ورحمة الله وبركاته
كل سنه وانتم طيبين...
جزاك الله كل خير اخي...

RASHA يقول...

كل عام وانت بخير نسيت حاجة مهمة الخيم الرمضانية والتى انتشرت فى الاونة الاخيرة بشكل مستفز يتنافى مع شهر العبادة تماما دومت بخير

مجلة الأم الصغيرة يقول...
أزال المؤلف هذا التعليق.
مجلة الأم الصغيرة يقول...

فعلا الناس بتحجج بالصيام عشان ماتشتغلش يعني أنا مثلا حبدأ دراسة بعد العيد عشان الدكاترة مش عايزين يدرسوا في رمضان رغم إن المفروض إن العمل عبادة و أجره أكبر في رمصان
اللهم بلغنا رمضان
بارك الله فيك و جزاك الله كل خير

غير معرف يقول...

ليسى من شوية منى الشاذلى بتقول موعد اخر حلقة للبرنامج قبل رمضان فسألت ماما هما هيبطلوه فى رمضان قالتى اه وكمان كل البرامج الاخبارية التنية علشان المسلسلات
يعنى احنا فى رمضان هننسى حاجة اسمها اللى بيحصل ونلتفت للمسلسلات حتى اخبار البلد هنخمرها لبعد رمضان
يافرحة الحكومة وزرغت يا نظيف

wafaa يقول...

قال تعالى
(قل ان صلاتى ونسكى ومحياى ومماتى لله رب العالمين لا شريك له وبذلك امرت وانا اول المسلمين.. صدق الله العظيم
كيف يكون مماتى لله رب العالمين ؟؟

كل سنة وانت طيب دكتر
ربنا يبلغنا رمضان ويتقبله منا ويجعلنا من عباده الصالحين ويحشرنا فى زمرة المتقين.

تحياتى
وفاء

drpharma يقول...

معناها يا وفاء ان نموت في سبيل الله والله اعلم

drpharma يقول...

عندك حق يا شاسا وللاسف دي اختراع مصري

drpharma يقول...

معناها يا وفاء ان نموت في سبيل الله والله اعلم

yoyo يقول...

كل سنة وانت طيب
رمضان كريم
هو ليه دايما رمضان عندنا مرتبط انه شهر الكسل وعدم الشغل على العكس والله رمضان شهر جميل جدا له روحانيات خاصة بس دا مش يمنع اننا نعمل ونقوم بكل واجبتنا
ربنا يجازيك كل الخير على البوست الهايل دا
ميرسى لمرورك على مدونتك واتمنى البوست الجديد يعجبك
تحياتى
يويو

دنيتى الجميله يقول...

كل سنه وحضرتك طيب وبخير
دعواتك ليا ولأسرتى بقضاء رمضان على خير وطاعه وان ربنا يتقبل منا جميع اعمالناويجعلنا من عتقائه فى هذا الشهر الكريم

ممكن اعرف ما هو معنى اسم المدونه

Unknown يقول...

ان شاء الله يوم السبت الموافق 13/9
هيكون فى تجمع للتبرع فى مستشفى ابو الريش للاطفال
بناء على اقتراح قوس قزح
اتمنى انى اشوفكم هناك
تعالوا نحاول نرسم بسمه ونطهر ذنب
وبعدين هيكون فى افطار جماعى

Beram ElMasry يقول...

ان كنت ممن يتذوقون الشعر العامى والزجل ، ارجو زيارة مدونتى والتفضل بالنقد والتعليق ، فالنقد كالنصح ، والدال على الخير كفاعله
كلنا نقدس مصر ، ولكن اليس من حقنا ان نغضب اذا ما انحرف المسار

kochia يقول...

كل سنة وانت طيب

تحياتي

kochia يقول...

(`'·.¸ (`'·.¸*¤* ¸.·'´) ¸.·'´)
♥*** happy feast ***♥
(¸.·'´ (¸.·'´*¤* `'·.¸) `'·.¸)

almthalia يقول...


شركة المثالية للتنظيف تسعد بتقديم خدماتها لعملائها بالمنطقة الشرقية خدمات تنظيف خدمات مكافحة حشرات خدمات تسليك مجاري المياه للمطابخ والحمامات جميع الخدمات المنزلية تجدونها مع شركة المثالية للتنظيف بافضل جودة وارخص الاسعار بالاعتماد علي كافة الادوات الحديثة والعمالة الماهرة

شركة المثالية للتنظيف
شركة المثالية للتنظيف بالدمام
شركة المثالية للتنظيف بالخبر